RECRIWTIO

Ceir ambell beth i’w gofio wrth recriwtio gwirfoddolwyr yn llwyddiannus i’ch clwb:

• dangos brwdfrydedd tuag at gyfraniadau gwirfoddol;
• ceisio deall pam maent yn gwirfoddoli a sicrhau eich bod yn diwallu eu hanghenion unigol;
• dangos eich bod yn teimlo bod yr hyn maent yn ei wneud yn werthfawr ac yn gwneud gwahaniaeth.

Gwybod pa swyddi sydd angen eu cyflawni

Dylech wybod pa fylchau sydd yn eich clwb wrth fynd ati i recriwtio e.e. does fawr o ddiben mewn anelu at un gynulleidfa os nad ydynt yn addas ar gyfer y dasg. Targedu criw o bobl gyda’r sgiliau / profiad / diddordeb angenrheidiol yw’r ffordd fwyaf effeithiol o recriwtio.

Cael hyd i bobl

Er mwyn cael hyd i wirfoddolwyr ar gyfer eich clwb, mae’n rhaid i chi farchnata eich clwb yn llwyddiannus ymhlith y bobl rydych am iddynt fuddsoddi eu hamser ynddo. Mae pobl eisiau teimlo eu bod yn gwneud gwahaniaeth ac felly mae’n rhaid i chi werthu’r rhesymau dros y swyddogaeth hon a beth fydd yn digwydd os na chaiff y swydd ei llenwi.  Mae’n rhaid i chi wneud y rôl yn fyw a disgrifio’r bobl a fydd yn cyfrannu ati o ran amser ac ymdrech.  Mae’n bwysig hefyd crybwyll y gwahaniaeth (y canlyniad) a wneir gan y rôl hon yn y clwb / gymuned e.e. tîm oedran newydd i gael ei ffurfio o ganlyniad i un gwirfoddolwr neu fwy.  Un agwedd allweddol i’w gwerthu yw beth fyddant yn ei gael yn ôl am wirfoddoli e.e. ffrindiau newydd, hobi / diddordeb newydd / sgil newydd. 

Disgrifiadau rôl

Rhestrir y swyddogion gwirfoddol sy’n bwysig er mwyn dechrau arni yn adran gyntaf y wefan hon ac maent yn cynnwys:               

• Cadeirydd;
• Ysgrifennydd;
• Trysorydd;
• Swyddog Lles.  

Ceir templadau o swydd-ddisgrifiadau a rôl a chyfrifoldeb y gwirfoddolwyr yn y panel ar y dde.         

Unwaith yr ydych wedi cael hyd i’r bobl hyn, efallai y byddwch eisiau cefnogi a / neu ehangu maes yn eich clwb e.e. yr adran iau.  I’ch helpu i gyflawni hyn, mae’n werth edrych ar recriwtio Cydlynydd Gwirfoddol.  Mae’r gwirfoddolwr hwn o gymorth i drefnu a datblygu adrannau yn y clwb e.e. yr adran iau i sicrhau bod ganddi ddigon o wirfoddolwyr i weithredu’n effeithiol / effeithlon.  Yma gellir cael hyd i  sampl o ddisgrifiad rôl Cydlynydd Gwirfoddol.

Wedi sefydlu, efallai eich bod eisiau ystyried ehangu’r dyletswyddau gwirfoddol yn eich clwb.  Ceir templad yma o Swydd-Ddisgrifiad Swyddog Cyhoeddusrwydd.  Am wybodaeth bellach am swyddogaethau eraill a allai fod o fudd i’ch clwb, cliciwch yma i weld dudalen 'swyddogaethau eraill' gwefan Running Sport.

Pwyllgorau

Mae’n bwysig sefydlu strwythur clir ar gyfer pwyllgorau er mwyn sicrhau bod gwirfoddolwyr yn gwybod yn union ble maent oddi mewn i strwythur y clwb a beth a ddisgwylir ganddynt.  Yma ceir enghraifft o Bwyllgor Iau -  swyddogaethau a chyfrifoldebau a diagram o hyn.  Gellir ei addasu’n rhwydd i fod yn addas i anghenion penodol eich clwb.