Camau Allweddol i Ddatblygu Cysylltiadau Ysgol

Cwestiynau allweddol i’w hystyried cyn cynnal cyfarfod dechreuol:

• Beth mae'r clwb eisiau cyflawni o'r bartneriaeth?;
• Gyda phwy mae’r clwb eisiau cysylltu a pham? 
• Arenwi syniadau posibl ar gyfer y bartneriaeth;
• Nodi’r wybodaeth sydd ei hangen gan yr ysgol;  
• Sut fydd y clwb yn ffurfio cyswllt gyda’r ysgol;
• Beth all y clwb ei gynnig i’r bartneriaeth;
•  Sut fydd y clwb yn rheoli a hybu’r cysylltiadau.

Er mwyn i’r berthynas rhwng y clwb a’r ysgol fod yn gwbl lwyddiannus, bydd raid i Bennaeth yr ysgol (new yr athro/athrawes sydd yn gyfrifol am A.G) a swyddog cyswllt y Clwb fod yn gwbl fodlon bod yr hyfforddwyr allanol yn gymwys, yn fedrus i oruchwylio gweithgareddau ac wedi’u gwirio gan y BCC.  Mae’n hanfodol bod yr hyfforddwyr allanol wedi derbyn briff llawn am eu swyddogaeth a’u cyfrifoldebau a swyddogaeth a chyfrifoldebau’r ysgol.  Yn ogystal â chael yr ysgol i helpu i hybu’r gamp, gallai’r clwb gytuno i annog athrawon a rhieni i gymryd rhan mewn cyrsiau hyfforddi priodol.                 

Manteision i’r ysgol:     

• Hyfforddiant arbenigol i ategu a chefnogi’r rhaglen addysgu;          
• Llwybrau clir / allanfeydd i blant ddal ati i gymryd rhan mewn chwaraeon;
• Amrywiaeth ehangach o chwaraeon ar gael i ddisgyblion;
• Gwella perfformiad a llwyddiant chwaraeon; 
• Defnydd o well cyfleusterau;
• Cynyddu’r potensial ar gyfer gwneud defnydd o gyfleoedd cyllido eraill;
• Cynnydd yn nifer y plant ysgol sy’n cadw’n heini, yn iach ac yn egnïol;     
• Cyfrannu at ddatblygiad cymdeithasol a phersonol person ifanc; 
• Codi proffil yr ysgol;    
• Delwedd chwaraeon a chymunedol bositif;
• Cefnogi a mentora athrawon.    

 Manteision i’r clwb:   

• Codi proffil y clwb;
• Rhoi hwb i’r aelodaeth iau; 
• Incwm newydd posibl;  
• Cyfleoedd newydd i blant ddatblygu drwy ‘eich’ camp;            
• Y potensial i rannu adnoddau; offer, cyfleusterau, arbenigedd hyfforddi;
• Defnydd o gyfleusterau ychwanegol;
• Potensial i gael/recriwtio mwy o hyfforddwyr a gwirfoddolwyr (athrawon/disgyblion).