Gallai Pecyn Croeso gynnwys:

•        llythyr croeso gan y Cadeirydd;
•        llawlyfr y clwb, neu restr o reolau’r clwb;
•        manylion am raglen y clwb, gyda dyddiadau pwysig, amseroedd a lleoliadau;
•        calendr o nosweithiau hyfforddi a dyddiadau gemau;
•        gwybodaeth am eich cynghreiriau a’ch cystadlaethau lleol;
•        manylion cyswllt ar gyfer y Corff Rheoli Cenedlaethol;
•        cysylltiadau clwb pwysig e.e. Trysorydd, Ysgrifennydd, Swyddog Lles;
•        copïau o bolisïau clwb pwysig, e.e. y polisi amddiffyn plant, neu’r polisi iechyd a diogelwch.             

Sgiliau

Mae’n bwysig dod i adnabod eich aelodau oherwydd efallai fod ganddynt sgiliau sydd o ddefnydd i’ch clwb e.e. cyfreithiwr i edrych ar unrhyw bolisïau newydd neu ddogfennau cyfreithiol (e.e. prydles cyfleuster), newyddiadurwr i ysgrifennu datganiadau i’r wasg, cyfrifydd i dderbyn dyletswyddau ariannol yn y clwb (e.e. cyllidebau, ceisiadau cyllido).