Campau’r Ddraig

Menter a gyllidir gan Gyngor Chwaraeon Cymru drwy gyfrwng y Loteri Genedlaethol yw Campau’r Ddraig, yn cynnig cyfleoedd chwaraeon hwyliog a phleserus i blant 7-11 oed. Diben y cynllun yw ehangu diddordebau chwaraeon y plant sydd eisoes yn cymryd rhan mewn chwaraeon a chynnwys y plant hynny nad ydynt yn cael cyfleoedd o’r fath y tu allan i’w gwersi AG.

Defnyddir portffolio o wyth camp wedi’u haddasu fel rhan o’r cynllun. Yr wyth camp a gynigir gan y Ddraig yw rygbi, athletau, criced, pêl droed, hoci, pêl rwyd, tenis a golff.

I ymeld â gwefan Campau’r Ddraig, cliciwch yma. 

5X60

Yn debyg i Gampau’r Ddraig, rhaglen a gyllidir gan Gyngor Chwaraeon Cymru yw 5X60.  Bydd y rhaglen 5x60 yn newid y dull o ddarparu chwaraeon mewn ysgolion, gan drawsnewid caeau chwarae a neuaddau chwaraeon yn fwrlwm o weithgarwch o fore gwyn tan nos.

Bydd swyddogion 5x60 yn gweithio mewn ysgolion uwchradd a’u swyddogaeth hwy fydd ymgynghori gyda’r disgyblion, gwrando ar eu hanghenion a gweld pa rwystrau sy’n eu hatal rhag cymryd rhan mewn gweithgareddau.

Byddant yn trefnu rhaglen o weithgareddau sy’n diwallu anghenion y disgyblion. Gall y gweithgareddau hyn gael eu cynnal cyn y gwersi yn y bore, yn ystod amser cinio, ar ôl ysgol neu ar benwythnosau. Bydd y gweithgareddau’n targedu’r unigolion nad ydynt yn cymryd rhan ar hyn o bryd neu sydd mewn perygl o golli diddordeb.

Bydd darparu cyswllt clwb ac allanfeydd i’r disgyblion yn hanfodol hefyd, er mwyn gwneud y rhaglen yn gynaladwy. Mae disgwyl i 5X60 ennyn mwy o ddiddordeb mewn chwaraeon a gweithgarwch corfforol mewn ffyrdd amrywiol. Bydd y swyddogion 5X60 yn gorfod ffurfio mwy o gyswllt gyda’r gymuned a’r timau datblygu chwaraeon er mwyn gallu bodloni’r galw hwn.  Dyma lle y gall eich clwb chi ymuno er mwyn helpu rhedeg rhaglen cymundol. 

Addysg Gorfforol a Chwaraeon Ysgol

Sefydlwyd y Prosiect Addysg Gorfforol a Chwaraeon Ysgol (AGChY) yn 2000 gan Gyngor Chwaraeon Cymru ar ran Cynulliad Cymru.  Canlyniad i adroddiad tasglu a oedd yn amlinellu’r camau allweddol yr oedd angen eu cymryd i godi safonau mewn AG oedd y rheswm dechrau. 

Amcan y prosiect yw codi safonau mewn addysg gorfforol drwy sicrhau bod pob ysgol yn:

• rheoli’r pwnc yn effeithiol oddi mewn i gwricwlwm yr ysgol gyfan
• gosod targedau heriol ar gyfer codi safonau mewn addysg gorfforol a chwaraeon ysgol
• darparu digon o amser yn y cwricwlwm i ddysgu gofynion y Cwricwlwm Cenedlaethol ar gyfer addysg gorfforol ym mhob cyfnod allweddol
• datblygu sgiliau corfforol pobl ieuainc o un flwyddyn i’r llall a gwella eu dealltwriaeth o bwysigrwydd iechyd a ffitrwydd
• codi safonau mewn addysg gorfforol a chwaraeon ysgol drwy sefydlu rhaglenni datblygiad proffesiynol parhaus (DPP) achredol ar gyfer pob athro
• cefnogi ysgolion Cymru i ehangu’r cyfleoedd ar gyfer chwaraeon ysgol y tu hwnt i’r diwrnod ysgol drwy wella safon ac ehangder y gweithgareddau ar ôl ysgol ar gyfer pob person ifanc, waeth beth yw eu hoedran, gallu, ethnigrwydd, rhyw neu leoliad daearyddol
• sefydlu Partneriaethau Canolfannau Datblygu a sicrhau eu bod yn cydweithio er mwyn adnabod a datblygu arfer dda mewn addysg gorfforol a chwaraeon ysgol.