Cynllunio i weithredu

Er mwyn datblygu cynlluniau mwy uchelgeisiol, efallai y bydd eich pwyllgor rheoli am sefydlu Gweithgor Aelodaeth i oruchwylio cynllun gweithredu ar gyfer recriwtio aelodau. Gellir cael hyd i demplad syml ar y dde. Mae llunio cynllun gweithredu clir ar gyfer eich clwb yn ffordd ragorol o ffurfioli eich syniadau.  Does dim rhaid creu cynllun cymhleth – mae un syml yn llawer gwell!                

Efallai yr hoffech dderbyn cymorth a chefnogaeth gan un neu bob un o’r canlynol er mwyn cael syniadau ar gyfer denu aelodau newydd:

• Corff Rheoli Cenedlaethol  y gamp          
• Clybiau lleol eraill yn eich ardal
• Swyddog Datblygu Chwaraeon o Uned Ddatblygu Chwaraeon eich Awdurdod Lleol.           

Mae rhai manylion cyswllt ar gael ar y dde.

Mae datganiad i’r wasg yn un ffordd o hybu eich clwb - drwy gynnwys seren chwaraeon lleol i gymeradwyo a rhoi cyhoeddusrwydd i’ch ymgyrch recriwtio.        

Y Dyfodol 

Er mwyn sicrhau dyfodol llewyrchus i’ch clwb, mae’n bwysig paratoi a chynllunio’n effeithlon ac effeithiol.  Mae cyfathrebu’n hanfodol er mwyn gwneud y gymuned leol yn ymwybodol o’ch clwb a’i fanteision posibl iddi – po fwyaf o bobl sy’n gwybod am eich clwb a’r hyn sydd gennych i’w gynnig, po fwyaf tebygol y byddant o ddweud wrth eraill a hybu eich clwb ar eich rhan.