Cyngor Gweithredu Gwirfoddol Cymru (CGGC)

CGGC yw llais y sector gwirfoddol yng Nghymru. Mae’r sefydliad yn cynrychioli ac yn ymgyrchu ar ran sefydliadau gwirfoddol, gwirfoddolwyr a chymunedau.

Cronfa’r Loteri Fawr

Mae Cronfa’r Loteri Fawr yn gyfrifol am roi hanner yr arian a godir i achosion da gan y Loteri Genedlaethol , ac mae ganddi gyllideb o ryw £630 miliwn y flwyddyn. Mae’r sefydliad yn ymroddedig i sicrhau gwelliannau pendant i gymunedau a bywydau bobl sydd mewn angen mwyaf. 

GRANTnet

Safle chwilio am gyllid rhad ac am ddim yw GRANTnet wedi’i ddarparu gan fas data grantiau blaenllaw yn y farchnad, GRANTfinder. Ers ei sefydlu yn 1985 mae GRANTfinder wedi datblygu’n faincnod y diwydiant.  Yn y safle hwn y ceir y bas data mwyaf cynhwysfawr a diweddar o grantiau, benthyciadau a mentrau eraill sy’n gweithredu yn y DG.

Ymddiriedolaeth Elusennol Stadiwm y Mileniwm 

Mudiad elusennol annibynnol yw Ymddiriedolaeth Elusennol Stadiwm y Mileniwm.  Drwy gyfrwng ei chyllid, mae Ymddiriedolaeth Elusennol Stadiwm y Mileniwm yn ceisio gwella safon byw pobl sy’n byw ac yn gweithio yng Nghymru.  Mae’r Ymddiriedolaeth wedi dewis cyflwyno grantiau i’r pedwar categori a ganlyn:                            

1. chwaraeon
2. y celfyddydau
3. y gymuned
4. yr amgylchedd

Arian i Bawb

Cefnogir Arian i Bawb Cymru gan Gronfa’r Loteri Fawr a Chronfa Dreftadaeth y Loteri.  Mae grantiau rhwng £500 a £5,000 ar gael ar gyfer pobl sydd eisiau cymryd rhan mewn gweithgareddau treftadol a chymunedol a phrosiectau sy’n hybu addysg, yr amgylchedd ac iechyd yn y gymuned leol.   

Clwb Chwaraeon Amatur Cymunedol

Mae clybiau chwaraeon yn chwarae rhan allweddol yn eu cymunedau.  Mae cynllun y Clybiau Chwaraeon Amatur Cymunedol (CChAC) yn chwarae rhan bwysig drwy wahaniaethu rhwng clybiau a busnesau at ddibenion trethi, gan sicrhau bod yr arian yn cael ei gadw yn y clybiau chwaraeon.

Gall CChAC wneud cais yn awr am eu cofrestru gyda’r Cyllid Gwladol i sicrhau rhyddhad treth.  Bydd hyn yn cynnig iddynt y gefnogaeth a’r gydnabyddiaeth y maent yn ei llawn haeddu.

Mae’r pecyn treth newydd ar gael i bob CChAC yn y wlad ac yn sicrhau bod chwaraeon cymunedol yn cael y cyfle gorau posibl i feithrin a gwella’r bobl leol sy’n cymryd rhan mewn chwaraeon.               

Gofod Chwaraeon Barclays

Mae Gofod Chwaraeon Barclays yn fuddsoddiad gwerth £30 miliwn i greu cyfleusterau chwaraeon cynaladwy mewn cymunedau ledled y DG.  Dyma’r buddsoddiad sengl mwyaf erioed mewn chwaraeon ar lefel gyffredin gan gwmni yn y DG.

Mae llyfryn a ddarperir gan Rhedeg Chwaraeon : Codi Arian, Grantiau a Nawdd yn adnodd defnyddiol arall sy’n rhoi sylw i sawl agwedd ar godi arian, marchnata a nawdd.  Cliciwch ar yr eicon ar y dde am wybodaeth bellach.          

Cydcoed

Rhaglen grant gwerth £16 miliwn yw Cydcoed yn rhoi cyllid a chefnogaeth 100% i grwpiau cymunedol yn ardaloedd Amcan Un Gorllewin Cymru a Chymoedd De Cymru gan ddefnyddio coed ar gyfer datblygiad cymunedol.  Mae Cydcoed yn helpu pobl Cymru ac yn gwneud y defnydd gorau posibl o goetiroedd ar gyfer swyddi, twf economaidd, cadwraeth a hamdden – gan wneud coed a choedwigoedd yn rhan werthfawr o fywyd cymunedol.