Fel clwb wedi’i sefydlu, dylech feddu ar bolisi cyfleoedd cyfartal a dylid integreiddio ethos y polisi hwn yn eich cyfansoddiad ac wrth redeg eich clwb a chyflwyno’r gamp.                                                        

I ddatblygu eich clwb ymhellach o ran Tegwch, dylech fod yn gweithio tuag at y canlynol:   

1. Cael person neu grŵp penodol yn gyfrifol am degwch.          
2. Sicrhau eich bod yn cadw cofnodion manwl gywir am hyfforddwyr ac aelodau fel eich bod yn gallu ffurfio ‘proffil’ eich clwb a chanfod meysydd lle ceir tangynrychiolaeth.  
3. Cynllun ysgrifenedig yn datgan sut ydych yn bwriadu sicrhau bod eich camp yn gweithredu’n deg.  Gall hyn gynnwys cynlluniau ar gyfer hyfforddi a recriwtio staff amrywiol, gwirfoddolwyr ac aelodau, datblygu adnoddau ac offer eich clwb etc.
4. Sicrhau bod ethos o degwch yn cael ei gyfleu i’r staff ac i’r aelodau.  Defnyddio eich gwefan, eich cylchlythyrau, eich cyfarfodydd a’ch hysbysfyrddau.
5. Cynnwys eich camp yn y gymuned leol ehangach er mwyn annog aelodaeth a chyfranogiad gan y rhai heb gymryd rhan yn draddodiadol.                                 

Efallai fod eich Corff Rheoli wedi sefydlu Safon Gydraddoldeb ar gyfer Chwaraeon, neu’n gweithio tuag at safon o’r fath.  Dylech holi am hyn, oherwydd bydd yn gallu eich cefnogi wrth i chi ddatblygu dulliau teg o weithredu ar lefel eich clwb.  Os nad yw eich CRhC yn gweithio tuag at y safon degwch, gall hwn fod yn adnodd defnyddiol yr un fath, gan ei fod yn arenwi meysydd allweddol o arfer dda y dylai pob camp fod yn anelu at eu cynnwys.