Bydd sefydlu polisi a gweithdrefnau amddiffyn plant yn eich clwb yn eich helpu i warchod eich aelodau iau a gwarchod eich gwirfoddolwyr yr un pryd. Dylai pob gweithdrefn fod yn benodol i amgylchiadau arbennig eich camp neu eich clwb. Mae gan lawer o Gyrff Rheoli eu canllawiau eu hunain ar gyfer amddiffyn plant mewn clybiau a dylid cadw at y rhain os oes rhai’n bodoli. 

Rydym yn argymell eich bod yn cysylltu â’ch Corff Rheoli Cenedlaethol i ddechrau, i weld pa drefniadau sydd wedi’u gwneud eisoes.  Os na cheir polisi y gallwch ei fabwysiadu gan eich CRhC, ceir nifer o ffyrdd eraill o’ch helpu i ddatblygu eich polisi eich hun. Mae templad o Bolisi Amddiffyn Plant  ar gael a bydd yn darparu cyfarwyddyd ar gyfer datblygu polisi amddiffyn plant y gellir ei addasu at ddefnydd eich clwb.