Mae’n bwysig ym myd chwaraeon, fel ym mhob maes arall, bod pawb yn cael yr un statws a’r un cyfleoedd. Mae tegwch mewn chwaraeon yn golygu sicrhau eu bod ar gael i bob aelod o’r gymuned.

Argymhellir bod pob clwb yn llunio polisi cyfleoedd cyfartal ac, yn bwysicach na dim, bod y polisi’n cael ei ddeall ac yn cael ei roi ar waith.

Mae’n bwysig bod eich clwb yn hybu’r ethos yma – mae llunio datganiad tegwch yn ffordd dda o wneud hyn. Mae’n dangos ymrwymiad eich clwb i gyfle cyfartal a dylid ei gynnwys yng nghyfansoddiad eich clwb, fel rhywbeth defnyddiol i atgoffa pawb.                                    

Mae Tegwch mewn Chwaraeon yn golygu defnydd cyfartal, cydnabod anghydraddoldeb a chymryd camau i roi sylw iddo.  Mae’n golygu newid diwylliant a strwythur chwaraeon a gweithgareddau corfforol er mwyn sicrhau eu bod ar gael mewn ffordd gydradd i bawb yn y gymdeithas.

Fel rheol, ystyrir y Polisi Cyfle Cyfartal fel dogfen fwy ffurfiol, yn datgan yn fwy ymarferol y camau yr ydych yn bwriadu eu cymryd er mwyn sicrhau bod y datganiad cydraddoldeb yn cael ei weithredu ac i ddangos pwy sy’n gyfrifol am y gweithredoedd amrywiol.  Mae polisi templad ar gael ar y dde.