Menter sy’n hybu pob agwedd ar chwarae teg ac ymddygiad da mewn chwaraeon yw Chwarae Teg. Mae ar gyfer y rhai sy’n ymwneud â chwaraeon iau ac addysg gorfforol.              

Mae Chwarae Teg yn hybu: 

• PARCH - at wrthwynebwyr, at swyddogion ac at reolau ac ysbryd y gêm;
• PEIDIO Â CHYNHYRFU – waeth beth sy’n digwydd;               
• URDDAS – wrth ennill a cholli; 
• PLESER – i bawb sy’n cymryd rhan.      

Nod Chwarae Teg yw:

• hybu agweddau positif tuag at ymddygiad chwaraeon a chodi safonau;        
• hybu codau ymddygiad cyson ar gyfer chwaraewyr, hyfforddwyr, athrawon, rhieni, gwylwyr a dyfarnwyr / swyddogion.

Mae templadau ar gael i chi eu mabwysiadu er mwyn hybu chwarae teg yn eich clwb.  Mae templad o lyfryn, poster a thystysgrif ar gael ar y dde.  Efallai ei bod yn syniad da i chi ofyn i’ch CRhC a yw wedi mabwysiadu’r fenter hon, a chyda thempladau wedi’u llunio’n barod ar eich cyfer.